Bupi cu kan Bawipa Jesuh kha a zoh peng tikah zumhtlak in a um i vawlei nuamhnak a kawl tikah kik lo lum lo a um,’ tiah kan Pope pa nih nizan 23.11, 2015 Casa Santa Marta i Missa chung phung a chimnak ah a ti.

Kan Pope Francis nih Thawngtha bia luke 21:1-4 chung, ‘Biakinn tangka chiahnak ah mirum mi nih an thawhlawm an thlak kha a hmuh hna; cun a si a fak ngaingaimi nuhmeinu zong nih phaisa sen pahnihte a thlak ve kha a hmuh. Cun aa thawh i, “Hihi kan chimh hna: Hi a si a fakmi nuhmeinu nih hin a taktak ti ahcun hawi dang vialte nakin tam deuh a sanh. Zeicahtiah a dang tham nih cun an chawva a hleivuang kha pei an pek ko cu, sihmanhsehlaw hi nu nih hin cun, a si a fak na tein, a nunnak ding ca i aa chiahmi kha pei a dihlak in a pek cu,tiah a ti’ nuhmei nu kong a chim tikah hitin a chim.

Bible chung ahcun nuhme nu cu amah lawngte, zohkhenhtu va a ngei lo, amah le amah aa zohkhenh i midang bawmhnak in a nun. Hi nuhme nu cu Bawipa lawng aa bochanmi a si,’ tiah a ti. Amah nih, “Hihi Jesuh a rat lainak a hngakmi nuhme-Bupi in ka hmuh,” tiah a ti. Pope pa nih, “Bupi cu Khrih nupi a si i amah a um lo tikah amah chawva cu Bawipa lawng kha a si. Bupi cu zumhtlak a si ahcun zeizong vialte kaltak in Bawipa ratlainak kha a hngak. Zumtlak a si lo ahcun a chawva cu phundang in a kawl, himnak kha vawlei chawva in a kawl cang,” tiah a ti.

Amah nih, “Nuhme-Bupi cu a Bawipa ratlainak a hngak chung paoh cu zumhtlak in a um i cu lo ahcun vawlei nomhnak kha a kawl cang,” tiah a peh rih.

cherchan: Vatican Radio,23.11.2015