Poland  rampi nih Jesuh Khrih kha an ram i Siangpahrang thanhnak puai cu November 19, 2019, kan hnu thla, ah khan Divine Mercy timi Pathian zaangfahnak biakinn ah an tuah ti kha World Wide Religious News in kan hmuh. Cu thlacamnak ah Biaknak lei le Uknak lei kaphnih hruaitu hna an i tel hna i President Andrzei Duda zong a kai ve.

Poland caah hihi a voikhatnak a si lo, a luancia 350 hrawng zong ahkhan Siangpahrang Casimir nih Mary cu Poland i upattlak Siangpahrang Nu a si tiin a rak thanh bal cang.  Hitin an tuahmi cu Poland sisternu Rosalia Zelkova nih langhnak a hmuhnak in aa thawkmi a si an ti.

Cutin Khrih Jesuh cu Poland Siangpahrang Bawithutdan ah an thutter tikah thlacamnak ah a kaimi vialte nih Khrih cu kan Bawipa le kan Khamhtu a si ti biakamnak an tuahchih.

Cutin an siangpahrang in an cohlang tikah Aana le Nawlngeihnak lei si loin Bawipa nih mi vialte cung nawl a ngeihnak kha kan langhter duhmi a si tiah Poland Bishop’s Conference nih a chim.

Poland ahhin milu 38 million var an si i 87.5% cu Roman Catholic(RC Bu) an si. Tukum mithiang ah an thanhmi John Paul ll, kan Pope hlun, zong kha Poland mi a si.